1:14 م
Unknown
الطابعه الثلاثيه الابعاد " 3D Printer "
كنا سمعت عنها من اكتر تقنيات ينتظرها العالم بشغف و اساسا كانت فكره خياليه السنين الماضيه و الان بدا العالم ف تحويل الفكره الي حقيقه
بيقولوا الحاجه ام الاختراع مع بناء المحطات الفضائيه و دخولنا عصر الفضاء الخارجي و ظهرت مشكله بسيطه ف الارض و لكن صعبه جدا ع القمر ماذا يحدث اذا اتكسرت مواد البناء الاساسيه زي مفك و لا لو احتاجنا لمسمسار الحاجات البسيطه دي هنروح نشتريها منين ف الفضاء ففكر العلماء ف حل ..
3D Printer نفس فكره طباعه الورق ..اني محتاج شيئ دلوقتي الطابعه دي تعملي نموذج ملموس منه و ممكن اعمل كذا نسخه ما انا معايا الفكره و بكررها
الطابعه تعتبر شكل من اشكال الانتاج الصناعي فمن خلال اني بعرف الجهاز ع النموذج و التصور الاولي للمنتج بتاعي بتقوم الطابعه
بدورها لتحويل الي منتج ملموس حقيقي
يقوم هذا الابتكار بعمل مسح ثلاثي الأبعاد للشيء المراد صنعه بدقة فائقة لدرجة أنها تكشف التفاصيل الأصغر من سُمك شعرة الرأس!، ثم يتم إرسال تلك البيانات للطابعة.
لا تحوي الطابعة حبراً عادياً بل مادة تشبه البودرة وهي مادة صناعية لا توجد تفاصيل تقنية عنها، لكن يتم ضخها وتكثيفها لتأخذ شكل الجسم المراد صناعته، ثم توضع في ظروف معينة لتتجمد وتأخذ أي شكل.
الطابعه اللي فكرتها مستلهمه من الخيال العلمي بتقوم بانتاج نسخ من النماذج الهندسيه "كان فين ايام الكليه كنت حطيت فكره مشروع التخرج يبقي قدامي ف ثانيتها :D " و كمان قطع غيار "فكدا لغت فكره ان العربيه و لا التليفون و لا الغساله ملهاش قطع غيار "
المذهل ان تم استخدام الطابعه ف المجال الطبي كطباعه اعضاء لجسم الانسان باستخدام مواد حيه طبعا
يعني لو تعرضت لكسر جزء من العظام بتقوم بفحص طبي بالاشعه المقطعيه ع مكان الكسر و هيظهر ع طول ع شاشه الطابعه الجزء البديل الذي سيتم تركيبه لتعويض الجزء المفقود او المكسور
كمان بتستخدم ف تكوين اذن الانسان بدقه بالغه عن طريق اني بعمل طبقات متعاقبه من المواد الخام المتوافره عندي
# مش فاكره شفتها ف فيلم اجنبي و مصدقتش :D
و كمان دخلت ف صناعه نماذج السيارات و لعب الاطفال و القطع الفنيه و الاطباق
تم الانتهاء من اول منتج لل 3D Printer :
اعلنت شركه "ديفنس ديستريبيوتد" الامريكيه انها نجحت ف تصنيع سلاح باستخدام تقفنيه الطابعه ثلاثيه لاابعاد و قامت بوضع التصميمات ع موقع الشركه و لكن قامت الحكومه الامريكيه بحجب تلك التصميمات طبعا لدواعي امنيه و استخباراتيه و لخطوره نشر الملفات الرقميه للمنتج و ده عشان الحرب المعلوماتيه اللي اتكلمنا عليها قبل كده #راجع_الصفحه
من عيوبها :
صعوبه توافر موادها الخام اللي تستخدم ف تصنيع المنتج
بتقل كفائتها لو عملت طوال اليوم
تكلفتها الباهظه
اتفرج ع الفيديو ده عشان تتصور الموضوع اكتر
تصنيف : تكنولوجيا
